Sign In
Sign UpKERALA PRIVATE PRIMARY HEADMASTERS ASSOCIATION
Exclusively For Primary school Headmasters
ഓൺലൈൻ ഇൻഡന്റ്ററിംഗ് ചെയ്യുന്നതിനുള്ള സമയ ക്രമം നീട്ടി (08/09/2026 വരെ )
2027-28 അദ്ധ്യയന വർഷത്തെ 1 മുതൽ 10 വരെ ക്ലാസ്സുകളിലേയ്ക്ക് ആവശ്യമായ പാഠപുസ്തകങ്ങളുടെ ഇൻഡന്റ് മുൻ വർഷങ്ങളിലേത് പോലെ രേഖപ്പെടുത്തുന്നതിന് ബന്ധപ്പെട്ട വിദ്യാഭ്യാസ ആഫീസർമാർ, പ്രധാനാധ്യാപകർ മറ്റ് ചുമതലപ്പെട്ടവർ എന്നിവർക്കാവശ്യമായ നിർദ്ദേശങ്ങൾ ചുവടെ ചേർക്കുന്നു.
കേരളത്തിലെ സർക്കാർ/എയ്ഡഡ്/ടെക്നിക്കൽ/അംഗീകൃത അൺഎയ്ഡഡ് /സി.ബി.എസ്.ഇ/നവോദയ എന്നീ സ്കൂളുകൾക്കും ലക്ഷദീപ് മാഹി, ഗൾഫ് ആസ്ഥാനമായി സംസ്ഥാന പാഠ്യപദ്ധതി അവലംബിക്കുന്നതോ മലയാള ഭാഷാ വിഷയങ്ങൾ മാത്രമായി സ്വീകരിച്ചിട്ടുള്ളതോ ആയ എല്ലാ അംഗീകൃത സ്ക്കൂളുകൾക്കും തങ്ങൾക്ക് ലഭ്യമായിട്ടുള്ള സമ്പൂർണ്ണ സ്കൂൾ കോഡ്, പാസ് വേഡ് എന്നിവ ഉപയോഗിച്ച് TBMS (Textbook Supply monitoring system) 2027-28 എന്ന സോഫ്റ്റ് വെയർ മുഖാന്തിരം 2025 ഓഗസ്റ്റ് 11 മുതൽ 29 വരെയുള്ള തീയതികളിൽ ഒറ്റതവണയായി 2027-28 അദ്ധ്യയന വർഷത്തേയ്ക്ക് ആവശ്യമായ പാഠപുസ്തകങ്ങളുടെ എണ്ണം ഓൺലൈനായി ഇൻഡൻ്റ് രേഖപ്പെടുത്താവുന്നതാണ്.
2027-28 അദ്ധ്യയന വർഷത്തെ ഒന്ന് മുതൽ പത്ത് വരെ ക്ലാസ്സുകളിലേയ്ക്കുള്ള വാല്യം ഒന്ന്, രണ്ട് പാഠപുസ്തകങ്ങളുടെ ഇൻഡൻറ് സ്കൂളുകളിൽ നിന്നും ഓൺലൈനായി TBMS software https://tbms.kite.kerala.gov.in/2027/മുഖേന 2026 ഓഗസ്റ്റ് 11 മുതൽ സെപ്റ്റംബര് 08 വരെ ഒറ്റതവണയായി ചെയ്യേണ്ടതാണ്. നടപ്പ് അദ്ധ്യയന വർഷമായ 2026-27 വർഷത്തെ വിദ്യാർത്ഥികളുടെ എണ്ണത്തിൻറെ അടിസ്ഥാനത്തിൽ ഇപ്പോൾ നൽകുന്ന ഇൻഡൻ്റിനെക്കാൾ കൂടുതൽ പാഠപുസ്തകങ്ങൾ പുതിയ അഡ്മിഷൻ പ്രകാരം ആവശ്യമെങ്കിൽ അതനുസരിച്ച് അഡിഷണൽ ഇൻഡൻറ്റ് ചെയ്യുന്നതിനുള്ള അവസരം 2027 ജൂൺ മാസത്തിൽ TBMS (Textbook Supply monitoring system 2027-28) സോഫ്റ്റ് വെയറിൽ ഓൺലൈനായി ചെയ്യുന്നതിനുള്ള സൌകര്യം ഒരുക്കുന്നതാണ്.
2027-28 അദ്ധ്യയന വർഷത്തേയ്ക്ക് ആവശ്യമായ പാഠപുസ്തകങ്ങൾക്ക് സ്കൂളിൽ നിന്നും ഇൻഡന്റിംഗ് നടത്തുന്നതിനുള്ള മാർഗ്ഗനിർദേശങ്ങൾ ചുവടെ ചേർക്കുന്നു.
2027-28 അദ്ധ്യയന വർഷം പാഠപുസ്തകങ്ങൾ ഇൻഡൻ്റ് ചെയ്യുന്നതിനുള്ള TBMS Textbook supply monitoring system) സോഫ്റ്റവെയർ പരിഷ്കരിച്ചിട്ടുള്ളതിനാൽ ചുവടെ ചേർത്തിരിക്കുന്നത് പ്രകാരം പാഠപുസ്തകങ്ങൾ ഇൻഡൻ്റ് ചെയ്യേണ്ടതാണ്.
നടപ്പ് അദ്ധ്യയന വർഷമായ 2026-27 വർഷത്തെ ആറാം സാധ്യായ ദിവസത്തെ കുട്ടികളുടെ എണ്ണം അനുസരിച്ച് ആയിരിക്കണം ഇൻഡൻ്റ് രേഖപ്പെടുത്തേണ്ടത്. Textbook Indent എന്ന പേജിൽ Strength as per sampoorna എന്ന തലക്കെട്ടിൽ കാണുന്ന കുട്ടികളുടെ എണ്ണം 2026-27 ലെ ആറാം സാധ്യായ ദിവസത്തെ കുട്ടികളുടെ എണ്ണമാണ്. ടി എണ്ണം 2027-28 അദ്ധ്യയന വർഷത്തേയ്ക്ക് വരാവുന്ന കട്ടികളുടെ എണ്ണമായിട്ടാണ് TBMS ൽ രേഖപ്പെടുത്തിയിരിക്കുന്നത്. ഒൻപത്, പത്ത് ക്ലാസ്സുകളിലെ അദ്ധ്യാപകരുടെ എണ്ണമനുസരിച്ച് ഓരോ അദ്ധ്യാപകർക്കും ഒരു ബുക്ക് വിതം അധികമായി ഇൻഡൻറ് ചെയ്യാവുന്നതാണ്. പല സ്കൂളുകളും ഒന്നാം വാല്യത്തോടൊപ്പം രണ്ടാം വാല്യം ഇൻഡൻറ് ചെയ്യാറില്ലെന്ന് ശ്രദ്ധയിൽപ്പെട്ടിട്ടുണ്ട്. അത് ഒഴിവാക്കി രണ്ട് വാല്യങ്ങളുടെയും ഇൻഡൻറ് ഒറ്റ തവണയായി തന്നെ രേഖപ്പെടുത്തേണ്ടതാണ്.
കൂടുതൽ വിവരങ്ങൾക്കായി സർക്കുലർ പൂർണമായി വായിക്കുക
TBO/312/2026-A1 പൊതുവിദ്യാഭ്യാസ ഡയറക്ടറുടെ കാര്യാലയം(പാഠപുസ്തക വിഭാഗം )
തിരുവനന്തപുരം, തീയതി 10-08-2026 ഇൻഡൻഡിങ് നടത്തുന്നതിനുള്ള പോർട്ടലിൽ
പ്രവേശിക്കുന്നതിനായി ഈ ലിങ്കിൽ ക്ലിക്ക് ചെയ്യുക https://tbms.kite.kerala.gov.in/2027/
PDF