KERALA PRIVATE PRIMARY HEADMASTERS ASSOCIATION

കേരള പ്രൈവറ്റ് പ്രൈമറി ഹെഡ്മാസ്റ്റേഴ്സ് അസോസിയേഷൻ കെപിപിഎച്ച് എ(KPPHA ) 57ാം സംസ്ഥാന സമ്മേളനം

കേരള പ്രൈവറ്റ് പ്രൈമറി ഹെഡ്മാസ്റ്റേഴ്സ് അസോസിയേഷൻ കെപിപിഎച്ച് എ(KPPHA ) 57 7ാം സംസ്ഥാന സമ്മേളനം 2023 ഏപ്രിൽ 27, 28,  29 തീയതികളിൽ കോട്ടയം ചൈതന്യ പാസ്റ്ററൽ സെൻററിൽ വച്ച് നടക്കും

      27ന് രാവിലെ 10 മണിക്ക് സംസ്ഥാന പ്രസിഡൻറ് ശ്രീ പി കൃഷ്ണപ്രസാദിന്റെ അധ്യക്ഷതയിൽ ചേരുന്ന ഉദ്ഘാടന സമ്മേളനം ബഹുമാനപ്പെട്ട സഹകരണ രജിസ്ട്രേഷൻ വകുപ്പ് മന്ത്രി ശ്രീ വി എൻ വാസവൻ ഉദ്ഘാടനം ചെയ്യും. കോട്ടയം ലോക്സഭ എംപി ശ്രീ തോമസ് ചാഴിക്കാടൻ മുഖ്യാതിഥി ആയിരിക്കും. കോട്ടയം അതിരൂപത കോർപ്പറേറ്റ് സെക്രട്ടറി റവ.ഫാദർ ഡോക്ടർ തോമസ് പുതിയകുന്നേൽ യോഗത്തിന് ആശംസകൾ അർപ്പിച്ച് സംസാരിക്കും.യോഗത്തിൽ ജനറൽ സെക്രട്ടറി ശ്രീ. ജി. സുനിൽകുമാർ സ്വാഗതവും ജനറൽ കൺവീനർ ശ്രീ .പി.കെ.ബിജുമോൻ കൃതജ്ഞതയും അർപ്പിക്കും  

            11:30ന് വിദ്യാഭ്യാസ സാംസ്കാരിക സമ്മേളനം നടക്കും. കോട്ടയം എംഎൽഎയും മുൻ ആഭ്യന്തരവകുപ്പ് മന്ത്രിയുമായ ശ്രീ തിരുവഞ്ചൂർ രാധാകൃഷ്ണൻ സമ്മേളനം ഉദ്ഘാടനം ചെയ്യും. പ്രശസ്ത ലോക സഞ്ചാരി ശ്രീ സന്തോഷ് ജോർജ് കുളങ്ങര വിദ്യാഭ്യാസ സെമിനാർ ഉദ്ഘാടനം ചെയ്യും. കെപിപിഎച്ച്എ സംസ്ഥാന വൈസ് പ്രസിഡൻറ് ശ്രീ. T. അനിൽകുമാർ അധ്യക്ഷത വഹിക്കുന്ന യോഗത്തിൽ കോട്ടയം DDE ശ്രീ.സുബിൻ പോൾ ആശംസകൾ അർപ്പിക്കും. സംസ്ഥാന ട്രഷറർ ശ്രീ ബെന്നി പി എ സ്വാഗതവും കോട്ടയം ജില്ല സെക്രട്ടറി ശ്രീ സാജൻ ആന്റണി കൃതജ്ഞതയും അർപ്പിക്കും.

      2 PMന് വനിതാ സമ്മേളനം നടക്കും. മുൻ എംഎൽഎ അഡ്വക്കേറ്റ് കെ എൻ എ ഖാദർ വനിതാ സമ്മേളനം ഉദ്ഘാടനം ചെയ്യും.സംസ്ഥാന വനിത കമ്മീഷൻ മോൻ അംഗം ഡോക്ടർ ജെ പ്രമീള ദേവി സമ്മേളനത്തിൽ മുഖ്യപ്രഭാഷണം നടത്തും. കെ പി പി എച്ച് എ സംസ്ഥാന വനിത ഫോറം ചെയർപേഴ്സൺ ശ്രീമതി കെ പി റംലത്ത് അധ്യക്ഷത വഹിക്കുന്ന യോഗത്തിൽ സ്റ്റേറ്റ് അസി.സെക്രട്ടറി ശ്രീമതി സിന്ധു മേനോൻ ,  കോട്ടയം ജില്ല സിസ്റ്റേഴ്സ് ഫോറം മുൻ കൺവീനർ സിസ്റ്റർ അൽഫോൻസാ തോമസ് എന്നിവർ ആശംസകൾ അർപ്പിച്ച് സംസാരിക്കും. സംസ്ഥാന വൈസ് ചെയർപേഴ്സൺ ശ്രീമതി അജിതകുമാരി കെ.കെ. കവിത ആലപിക്കും. സമ്മേളനത്തിന് സംസ്ഥാന കൺവീനർ ശ്രീമതി ജയമോൾ മാത്യു സ്വാഗതവും സംസ്ഥാന ജോയിന്റ് കൺവീനർ ശ്രീമതി ഷീജ ട കൃതജ്ഞതയും അർപ്പിക്കും.

28 4 2023

സമ്മേളനത്തിന്റെ രണ്ടാം ദിവസം രാവിലെ 8 30ന് പ്രതിനിധി സമ്മേളനം ആരംഭിക്കും .സമ്മേളനo ഗാന്ധിജി സർവകലാശാല മുൻ വൈസ് ചാൻസിലർ ഡോക്ടർ സിറിയക് തോമസ് ഉദ്ഘാടനം ചെയ്യും. 

 സംസ്ഥാന പ്രസിഡൻറ് ശ്രീ.പി. കൃഷ്ണപ്രസാദിന്റെ അധ്യക്ഷതയിൽ ചേരുന്ന യോഗത്തിൽ ഹെഡ്മാസ്റ്റർ മാസിക പ്രിന്റർ ആൻഡ് പബ്ലിഷർ ശ്രീ.എം.ഐ. അജികുമാർ മുഖ്യപ്രഭാഷണം നടത്തും. ജനറൽ സെക്രട്ടറി ശ്രീ ജി സുനിൽകുമാർ പ്രവർത്തന വർഷത്തെ റിപ്പോർട്ടും സംസ്ഥാന ട്രഷറർ ശ്രീ കെ എ ബെന്നി കണക്കും അവതരിപ്പിക്കും തുടർന്ന് റിപ്പോർട്ടിന്മേലുള്ള ചർച്ചയിൽ വിവിധ ജില്ലകളിൽ നിന്നുള്ള പ്രതിനിധികൾ പങ്കെടുക്കും ചർച്ചകൾക്ക് ജനറൽ സെക്രട്ടറി മറുപടി പറയും. പ്രതിനിധി സമ്മേളനത്തിന് സംസ്ഥാന ജോയിന്റ് സെക്രട്ടറി ശ്രീ ഉമ്മർ പാലഞ്ചീരി  സ്വാഗതവും സ്റ്റേറ്റ് എക്സിക്യൂട്ടീവ് ശ്രീ ജോസ് രാഗദ്രി കൃതജ്ഞതയും അർപ്പിക്കും.

     2.30 പി എമ്മിന് ചേരുന്ന യാത്രയയപ്പ് സമ്മേളനം ബഹു. പൂഞ്ഞാർ എംഎൽഎ അഡ്വക്കേറ്റ് സെബാസ്റ്റ്യൻ കുളത്തിങ്കൽ ഉദ്ഘാടനം ചെയ്യും. സ്റ്റേറ്റ് അസിസ്റ്റൻറ് സെക്രട്ടറി ശ്രീ കെ ശ്രീധരന്റെ അധ്യക്ഷതയിൽ ചേരുന്ന യോഗത്തിൽ ശ്രീ കെ കെ നരേന്ദ്ര ബാബു .ശ്രീ.എസ് നാഗദാസ് ,ശ്രീ എം ടി ആൻറണി ,ശ്രീ സജി കുര്യൻ എന്നിവർ ആശംസകൾ അർപ്പിക്കും .സ്റ്റേറ്റ് വൈസ് പ്രസിഡൻറ് ശ്രീ. അജി സ്കറിയ സ്വാഗതവും ജില്ലാപ്രസിഡന്റ് ശ്രീമതി ആൻസി ജോസഫ് കൃതജ്ഞതയും അർപ്പിക്കും.

കെപിപിഎച്ച്എ സംസ്ഥാന കൗൺസിൽ നിലവിലുള്ളത് 27- ന് രാത്രി 7.30 ന് ചേരുന്നതാണ്. 29 ആം തീയതി രാവിലെ 9 മണിക്ക് പുതിയ കൗൺസിൽ യോഗവും അതിനെ തുടർന്ന് പുതിയ ഭാരവാഹികളുടെ തിരഞ്ഞെടുപ്പ് നടക്കും. സമ്മേളന പതാക അടുത്ത ജില്ലയ്ക്ക് കൈമാറുന്നതോടെ 57 - മത് കെപിപിഎച്ച് സംസ്ഥാന സമ്മേളനത്തിന് തിരശ്ശീല വീഴും.

"""""""""""""""""""""""""""""""""