KERALA PRIVATE PRIMARY HEADMASTERS ASSOCIATION

Exclusively For Primary school Headmasters

Businex

PRISM E-FILING

കേരളസർക്കാർ ജീവനക്കാരുടെ പെൻഷൻ പ്രിസം പോർട്ടൽ വഴി ഓൺലൈൻ ആയി എങ്ങനെ ഫയൽ ചെയ്യാം?

Pensioner Information System( PRISM)

  കേരളത്തിലെ സർക്കാർ ജീവനക്കാർക്ക് അവരുടെ പെൻഷൻ ആനുകൂല്യങ്ങൾ ലഭിക്കാൻഇപ്പോൾ പെൻഷൻ ബുക്ക്‌ തയ്യാറാക്കേണ്ടതില്ല. AG പെൻഷൻ ബുക്ക്‌ സ്വീകരിക്കുന്നില്ല.അതിനായി കേരള സർക്കാർ തയ്യാറാക്കിയ ഒരു വെബ്സൈറ്റ് ആണ് പ്രിസം (Pensioner InformationSystem ) .അതിന്റെ സൈറ്റ് അഡ്രെസ്സ് എന്ന് പറയുന്നത് www.prism.kerala.giv.in എന്നാണ്.ഇതിൽ e-filing നടത്തുന്നതിനുവേണ്ടി ആദ്യം തന്നെ പ്രിസം പോർട്ടലിൽ Registration നടത്തിയിരിക്കണം.അങ്ങിനെ രജിസ്റ്റർ ചെയ്ത ഒരു ജീവനക്കാരന് മൊബൈൽ ഫോണിലേക്ക് ഒരു യൂസറും പാസ്സ്‌വേർഡും നോഡൽ ഓഫീസർ SMS ആയി അയച്ചിട്ടുണ്ടാവും.

ഇ-ഫയലിംഗ് തുടങ്ങുന്നതിന് മുൻപേ ജീവനക്കാരന്റെ ഒപ്പ് , ഫോട്ടോ,  ഭാര്യ /ഭർത്താവ് joint photo എന്നിവ സ്കാൻ ചെയ്ത് 30KB യിൽ കുറഞ്ഞ വ്യത്യസ്തഇമേജുകളായി ഒരു ഫോൾഡറിൽ Desktop ൽ സൂക്ഷിച്ചിരിക്കണം.പ്രിസം സൈറ്റ് സ്പാർക്കുമായി ലിങ്ക് ചെയ്തതാണ് . അതുകൊണ്ടുതന്നെ കുറെ വിവരങ്ങൾ സ്പാർക്കിൽനിന്നാണ് പ്രിസം സിറ്റിലേക്ക് Auto Fill ആയി വരുന്നത് . എന്തെങ്കിലും വിവരങ്ങൾ തെറ്റാണ് എന്ന്കണ്ടാൽ ആദ്യം spark അൺലോക്ക് ചെയ്ത് കറക്ഷൻ വരുത്തി ഡാറ്റ ലോക്ക് ചെയ്യുകയാണ് വേണ്ടത് .





പ്രിസം സൈറ്റിൽ ഹോം പേജിലെ Login ൽ ക്ലിക്ക് ചെയ്യുക. എസ് . എം. എസ് ആയി ലഭിച്ച യൂസർ നെയിം, പാസ്സ്‌വേർഡ്‌ എന്നിവ ടൈപ്പ് ചെയ്ത് ക്യാപ്‌ച്ചയും ടൈപ്പ് ചെയ്ത് ലോഗിൻ ചെയ്യുക. യൂസർനെയിം PEN നമ്പർ ആയിരിക്കും.





ഇപ്പോൾ നിങ്ങൾക്ക് ഇതുപോലെ ഒരു welcome സ്ക്രീൻ കാണാവുന്നതാണ് . ഈ പേജിന്റെ ഇടത്ഭാഗത്ത്‌ ഫോട്ടോയും വലത് ഭാഗത്ത്‌ Employee എന്നും കാണാം.ഫോട്ടോയുടെ താഴെയായി pension e-filing എന്ന് ചുവന്ന നിറത്തിൽ കാണാം.ഫോട്ടോയുടെ താഴെയായി കാണുന്ന pension e-filing എന്ന ലിങ്കിൽ ക്ലിക്ക് ചെയ്യുക.






തുടർന്ന് ഓപ്പൺ ആയി വരുന്ന ആദ്യ പേജിലെ വിവരങ്ങൾ പരിശോധിക്കുക.ആദ്യം ഓപ്പൺ ആയപേജ് ചുവപ്പ് കളറിൽ കാണാം.I മുതൽ IX വരെ പേജുകളും ഒരു End പേജും ആണ് ഉള്ളത് . ഓരോപേജിൽ നിന്നും അടുത്ത പേജിലേക്ക് പോകുമ്പോൾ Proceed ബട്ടൺ ക്ലിക്ക് ചെയ്യേണ്ടതാണ്. ഓരോപേജും പൂർത്തിയാക്കിയാൽ മാത്രമേ അടുത്ത പേജിലേക്ക് പോകാൻ സാധിക്കൂ.ഒൻപത് പേജും ഫിൽ ചെയ്ത്കഴിഞ്ഞാൽ പിന്നെ ഏത് പേജ് വേണമെങ്കിലും ഓപ്പൺ ചെയ്ത് പരിശോധിക്കാം.ഈ പേജിലെസ്പാർക്കിലെ വിവരങ്ങൾ അപ്ഡേറ്റ് ചെയ്യാൻ കഴിയില്ല.ഇവിടെ ഇപ്പോഴത്തെ മേൽവിലാസവും ഫോൺനമ്പർ തുടങ്ങിയവയാണ് അപ്ഡേറ്റ് ചെയ്യാൻ ഉള്ളത് .




ഔദ്യോഗിക വിവരങ്ങൾ ആണ് ഇവിടെ എന്റർ ചെയ്യാനുള്ളത് . ഓരോന്നും ഫിൽ ചെയ്ത് പാൻ നമ്പർആധാർ നമ്പർ എന്നിവ ചേർത്ത് Receiving any other Pension എന്നതിൽ No ക്ലിക്ക് ചെയ്ത്Any judicial...... No സെലക്ട്‌ ചെയ്ത് proceed ക്ലിക്ക് ചെയ്ത് അടുത്ത പേജിലേക്ക് പോകാം.