KERALA PRIVATE PRIMARY HEADMASTERS ASSOCIATION

കേരളസർക്കാർ ജീവനക്കാരുടെ പെൻഷൻ പ്രിസം പോർട്ടൽ വഴി ഓൺലൈൻ ആയി എങ്ങനെ ഫയൽ ചെയ്യാം?

Pensioner Information System( PRISM)

  കേരളത്തിലെ സർക്കാർ ജീവനക്കാർക്ക് അവരുടെ പെൻഷൻ ആനുകൂല്യങ്ങൾ ലഭിക്കാൻഇപ്പോൾ പെൻഷൻ ബുക്ക്‌ തയ്യാറാക്കേണ്ടതില്ല. AG പെൻഷൻ ബുക്ക്‌ സ്വീകരിക്കുന്നില്ല.അതിനായി കേരള സർക്കാർ തയ്യാറാക്കിയ ഒരു വെബ്സൈറ്റ് ആണ് പ്രിസം (Pensioner InformationSystem ).അതിന്റെ സൈറ്റ് അഡ്രെസ്സ്   www.prism.kerala.gov.in.

ഇതിൽ e-filing നടത്തുന്നതിനുവേണ്ടി ആദ്യം തന്നെ പ്രിസം പോർട്ടലിൽ Registration നടത്തിയിരിക്കണം.അങ്ങിനെ രജിസ്റ്റർ ചെയ്ത ഒരു ജീവനക്കാരന് മൊബൈൽ ഫോണിലേക്ക്  യൂസർ  നെയിം പാസ്സ്‌വേർഡും നോഡൽ ഓഫീസർ SMS ആയി അയച്ചിട്ടുണ്ടാവും.

ഇ-ഫയലിംഗ് തുടങ്ങുന്നതിന് മുൻപേ ജീവനക്കാരന്റെ ഒപ്പ്, ഫോട്ടോ,  ഭാര്യ /ഭർത്താവ് joint photo എന്നിവ സ്കാൻ ചെയ്ത്  jpeg  minimum 400dpi  ഫോർമാറ്റിൽ  കുറഞ്ഞ വ്യത്യസ്ത ഇമേജുകളായി ഒരു ഫോൾഡറിൽ Desktop ൽ സൂക്ഷിച്ചിരിക്കണം.പ്രിസം സൈറ്റ് സ്പാർക്കുമായി ലിങ്ക് ചെയ്തതാണ്. അതുകൊണ്ടുതന്നെ കുറെ വിവരങ്ങൾ സ്പാർക്കിൽനിന്നാണ് പ്രിസം സൈറ്റിലേക്ക് Auto Fill ആയി വരുന്നത്.  സ്പാർക്കിൽ നിന്നും വരുന്ന എന്തെങ്കിലും വിവരങ്ങൾ തെറ്റാണ് എന്ന്കണ്ടാൽ ആദ്യം spark അൺലോക്ക് ചെയ്ത് കറക്ഷൻ വരുത്തി ഡാറ്റ ലോക്ക് ചെയ്യുകയാണ് വേണ്ടത്.

പ്രിസം സൈറ്റിൽ ഹോം പേജിലെ Login ൽ ക്ലിക്ക് ചെയ്യുക. എസ്.എം.എസ് ആയി ലഭിച്ച യൂസർ നെയിം, പാസ്സ്‌വേർഡ്‌ എന്നിവ ടൈപ്പ് ചെയ്ത് ക്യാപ്‌ച്ചയും ടൈപ്പ് ചെയ്ത് ലോഗിൻ ചെയ്യുക. യൂസർനെയിം PEN നമ്പർ ആയിരിക്കും.