KERALA PRIVATE PRIMARY HEADMASTERS ASSOCIATION

20-02-2024 ൽ ഇറങ്ങിയ DGE/1961/2023-H2 Part 1 സർക്കുലർ,

പൊതു വിദ്യാഭ്യാസം-സഹായിതം 26/10/2022 ലെ ഡബ്ല്യു.പി.സി 31861/2022 നമ്പർ വിധിന്യായ പ്രകാരം സംസ്ഥാനത്തെ എല്ലാ എയ്ഡഡ് സ്കൂൾ ജീവനക്കാരുടേയും സീനിയോറിറ്റി ലിസ്റ്റ് സമന്വയ മുഖേന ഓൺലൈൻ ആയി സമർപ്പിക്കുന്നതിനും അംഗീകരിക്കുന്നതിനും ആവശ്യമായ മാർഗനിർദ്ദേശങ്ങൾ പുറപ്പെടുവിച്ചിട്ടുണ്ട്.

    കെ.ഇ.ആർ ലെ ചട്ടവ്യവസ്ഥകൾ പ്രകാരം മുൻപ് മാന്വൽ ആയി സമർപ്പിച്ചിരുന്നതുപോലെ സമന്വയ മുഖേന ഓൺലൈൻ ആയി സീനിയോറിറ്റി ലിസ്റ്റ് സമർപ്പിക്കേണ്ടത് അതത് മാനേജർമാർ തന്നെയാണ്. സീനിയോറിറ്റി ലിസ്റ്റ് തയ്യാറാക്കുന്നതിന് മുന്നോടിയായി സമന്വയയിൽ പ്രധാനാദ്ധ്യാപകന്റെ ലോഗിനിൽ ലഭ്യമായ സ്റ്റാഫ് ലിസ്റ്റ് എല്ലാ പ്രധാനാദ്ധ്യാപകരും പരിശോധിച്ച് അപാകതകൾ ഉള്ള പക്ഷം ആയത് പരിഹരിച്ച് പ്രസ്തുത ലിസ്റ്റ് അന്തിമമാക്കേണ്ടതുണ്ട്.

സമന്വയയിൽ 

സമ്പൂർണ യൂസർ നെയിം,പാസ് വേർഡ് ഉപയോഗിച്ച് .

Login using Sampoorna enable ആക്കി ലോഗിൻ ചെയ്യുക

➡️ അതിൽ കാണുന്ന STAFF LIST എന്നതിൽ Click ചെയ്യുക. 2023-24 വർഷം തസ്തിക നിർണയ ഫയലിൽ ലഭ്യമായ വിവരങ്ങൾ അവിടെ കാണാം. 

നിലവിൽ സമന്വയയിൽ തസ്തിക നിർണയ ഫയലിൽ ലഭ്യമായ സ്റ്റാഫ് ലിസ്റ്റ്  റിപ്പോസിറ്ററിയിൽ നിന്നും സ്റ്റാഫ് ലിസ്റ്റ് രൂപീകരിക്കാം. Add From Repository എന്നതിൽ  ക്ലിക്ക് ചെയ്യുക.നിലവിലുള്ള സ്റ്റാഫിനെ അവിടെ കാണാം.

നിലവിലുള്ള ജീവനക്കാരെ സെലക്ട് ചെയ്ത് Create List എന്ന ഓപ്ഷൻ ഉപയോഗിച്ച് സ്റ്റാഫ് ലിസ്റ്റ് ക്രിയേറ്റ് ചെയ്യേണ്ടതാണ്.

➡️ പ്രധാനാധ്യാപകനുൾപ്പെടെ റഗുലർ ശമ്പളം കൈപ്പറ്റുന്ന എല്ലാ ജീവനക്കാരേയും ഇതിൽ ഉൾപ്പെടുത്തണം ലിസ്റ്റിൽ നിന്നും ഒഴിവാക്കേണ്ടവരെ  REMOVE ബട്ടൺ ഉപയോഗിച്ച് മാറ്റാം.

➡️ റിപ്പോസിറ്ററിയിൽ ഇല്ലാത്ത ജീവനക്കാരെ Add New Staff എന്ന മെനു ഉപയോഗിച്ച് ചേർക്കാവുന്നതാണ് .

➡️ ആരെങ്കിലും Transfer ആയി പോയിട്ടുണ്ടെങ്കിൽ Staff Statement Details എടുത്ത് അതിന്റെ റിപ്പോസിറ്ററിയിൽ കാണുന്ന Transfer button click ചെയ്ത് വിവരങ്ങൾ നൽകി Transfer ചെയ്താൽ അത് ആ സ്കൂളിന്റെ Transfer list യിൽ എത്തും.ഡ്രോപ്പ് ടൗണിൽ നിന്നും Reject select ചെയ്യുക update ചെയ്യരുത്.അതിനു ശേഷം വീണ്ടും Select button click ചെയ്ത് Accept ചെയ്യാം. ജോയിനിംഗ്  ഡേറ്റ് നൽകുന്നതോടെ  Repository ൽ എത്തിച്ചേരും.അവിടെ നിന്ന് സ്റ്റാഫ് ലിസ്റ്റിൽ ഉൾപ്പെടുത്താവുന്നതാണ് 

➡️ Edit button ക്ലിക്ക്  ചെയ്തു ജീവനക്കാരുടെ വിവരങ്ങൾ ചേർക്കുന്ന ഭാഗത്ത് പുതുതായി ലഭ്യമായിരിക്കുന്ന ആദ്യ നിയമന തീയതി (Date of First Appointment under Management ) എന്ന ഫീൽഡ് നിർബന്ധമാണ്. ആയതിനാൽ ആദ്യ നിയമനം താൽക്കാലികമായിരുന്നാൽ ശമ്പള സ്കെയിലിൽ അംഗീകാരം ഉണ്ടെങ്കിൽ (നോഷനണലായും) തീയതി ഉൾപ്പെടുത്താം.