സ്ക്കൂൾ കമ്മറ്റി കത്തയച്ച് പ്രതിഷേധിച്ചു
മാലക്കല്ല് : സ്ക്കൂൾ ഉച്ചഭക്ഷണ ചിലവിനത്തിൽ അനുവദിച്ച നിലവിലുള്ള തുക വർധിപ്പിക്കണമെന്ന് ആവശ്യപ്പെട്ട് മാലക്കല്ല് സെൻ്റ് മേരീസ് എ യു പി സ്ക്കൂൾ പി.ടി.എ കമ്മറ്റി മുഖ്യമന്ത്രിക്കും ഉപജില്ല വിദ്യാഭ്യാസ ഓഫീസർക്കും കത്തയച്ചു.
നവംബർ മാസം ഉച്ചഭക്ഷണം നൽകിക്കഴിഞ്ഞപ്പോൾ ഏകദേശം നാൽപതിനായിരത്തോളം രൂപ അധിക ചിലവ് വന്നുവെന്നും ഈ രീതിയിൽ മുന്നോട്ട് പോകുവാൻ കഴിയില്ലായെന്നും പി ടി എ കമ്മറ്റിയും ഉച്ചഭക്ഷണ കമ്മറ്റിയും വിലയിരുത്തി. അടിയന്തിര നടപടി സ്വീകരിക്കണമെന്ന് ആവശ്യപ്പെട്ട് വിദ്യാഭ്യാസ വകുപ്പിനും മുഖ്യമന്ത്രിക്കും കത്തയച്ചു. ഹെഡ്മാസ്റ്റർ സജി എം എ ,പി ടി എ പ്രസിഡണ്ട് സജി എ സി ,ബിജു ജോസഫ് എന്നിവർ സംസാരിച്ചു,