KERALA PRIVATE PRIMARY HEADMASTERS ASSOCIATION

തൃശൂർ: കേരള പ്രൈവറ്റ് പ്രൈമറി ഹെഡ്മാസ്റ്റേഴ്സ്  അസോസിയേഷൻ്റെ  (കെ.പി. പി എച്ച് എ.) പോഷക ഘടകമായ വനിതാ ഫോറം സംസ്ഥാന തലത്തിൽ സംഘടിപ്പിച്ച വനിതാ നേതൃസംഗമം - ധ്വനി 2025- തൃശൂരിൽ ജനുവരി 4,5 തീയ്യതികളിലായി നടന്നു.

4-ാം തീയ്യതി പ്രശസ്ത നങ്ങ്യാർകൂത്ത്, കൂടിയാട്ടം കലാകാരിയും കാലടി ശ്രീ ശങ്കാരാ ചാര്യ സംസ്കൃത കോളേജ് അസി.പ്രൊഫസറുമായ  ശ്രീമതി ഉഷാ നങ്ങ്യാർ  ഉദ്ഘാടനം നിർവ്വഹിച്ചു.

വനിതാ ഫോറം സംസ്ഥാന ചെയർപേഴ്സൺ എ.എസ്. സുമകുമാരി അധ്യക്ഷത വഹിച്ചു. കെ.പി.പി.എച്ച്.എ. സംസ്ഥാന പ്രസിഡൻ്റ് പി. കൃഷ്ണപ്രസാദ് മുഖ്യപ്രഭാഷണം നടത്തി.

കെ.പി.പി.എച്ച്. എ.  ജനറൽ സെക്രട്ടറി ജി.സുനിൽകുമാർ ഉപഹാരസമർപ്പണം നടത്തി. ഗുരുശ്രേഷ്ഠ അവാർഡ് നേടിയ  വനിതാ ഫോറം നിരീക്ഷകൻ കെ.ടി. തോബിയാസിനെ ചടങ്ങിൽ ആദരിച്ചു.സംസ്ഥാന സമിതി അംഗങ്ങളായ കെ.എ.ബെന്നി, കെ.ടി. തോബിയാസ്, സി.എഫ്. റോബിൻ, കെ.പി. റംലത്, പി.എസ് ശിവശ്രീ എന്നിവർ പങ്കെടുത്തു.പ്രൊഫ ഡോ. പി. പ്രിയ, എൻ.എസ്. സന്തോഷ് ബാബു, ജി. സുനിൽകുമാർ തുടങ്ങിയവർ രണ്ട് ദിവസങ്ങളിലായി വിവിധ സെഷനുകൾ നയിച്ചു.

സർവ്വീസിൽ നിന്ന് വിരമിക്കുന്ന വനിതാ ഫോറം സംസ്ഥാന എക്സിക്യൂട്ടീവ് നേതാക്കൾക്ക് സമുചിതമായ യാത്രയയപ്പ് നല്ലി. യാത്രയയപ്പ്  സമ്മേളനം ജനറൽ സെക്രട്ടറി ജി. സുനിൽകുമാർ ഉദ്ഘാടനം ചെയ്തു.

   തൃശൂർ ജില്ലാ പ്രസിഡൻ്റ് കെ. കൃഷ്ണൻകുട്ടി, ജില്ലാ സെക്രട്ടറി സിന്ധു മേനോൻ സംസ്ഥാന വനിതാ ഫോറം എക്സിക്യൂട്ടീവ് അംഗങ്ങൾ, തൃശൂർ വനിതാ ഫോറം കൗൺസിൽ അംഗങ്ങൾ തുടങ്ങിയർ പരിപാടിക്ക് നേതൃത്വം നല്കി.14 ജില്ലകളിൽ നിന്നുള്ള 80 പ്രതിനിധികൾ, ജില്ലാ സെക്രട്ടറിമാർ, തുടങ്ങിയവർ പരിപാടിയിൽ പങ്കെടുത്തു.

PDF